立即成為會員
接收最新資訊、活動及優惠！
唔想 CV 石沉大海？一個職位空缺都好有可能有到幾十到幾百人申請。而 HR 都未必會花三十秒去睇每份 CV，點樣先可以喺咁短時間同咁多份 CV 入面突圍而出？HR 未見人先見 CV，想增加面試嘅機會就唔好犯以下 8 個錯誤喇。
履歷表 (CV) 必需包含求職者姓名、聯絡電郵、電話號碼及學歷資料。另外仲有工作經驗、優秀嘅工作表現及成就。內容最重要係精簡，佔滿 1 至 2 頁全頁就足夠。
求職者可以重點列明喺前公司嘅主要工作範圍、業績同成就。但係無需要詳細交代同現時申請工作無關嘅內容，僱主比較重視你有無相關經驗，同實際往績。呢一個部份係表現比潛在僱主知道自己可以帶為新公司嚟嘅價值。
工作少於半年都唔建議寫入履歷表，因為會反映應徵者工作唔穩定。除此之外，照片、個人身高、體重等與工作無關嘅資料都唔需要加入 CV。
CV 要避免使用多於兩款字體，求職者可以適量運用粗體或斜體去標示出關鍵字眼。工作經驗千祈唔好亂排位，要將最近期嘅工作經驗放於最優先嘅的位置、如果工作經驗同申請嘅崗位無直接嘅關係、無參考價值就放於後方，或者唔寫。
用一啲奇怪電郵地址會比人一種唔專業嘅感覺，例如 [email protected]。建議可以用自己嘅名同性組成嘅電郵寫上 CV。
如果公司無特別要求，應徵者唔需要填寫現時或期望薪酬。新公司可能會估你薪酬背後嘅原因，可能會留有負面嘅印象而失去面試嘅機會。所以最好都係到面試嘅最後階段先去傾薪酬方面既事。
如果興趣唔係同工作直接有關，都盡量避免寫入 CV。無關痛癢嘅內容會大扣印象分。
避免填寫同申請職位無關嘅工作經驗，例如申請美容師我職位，就唔需要填收銀員或待應等無關經驗。如果大學生唔係好多工作經驗，可以填見習生、課外活動經驗、義工或學校報告經驗。
遞交 CV 之前最緊要搵多幾個朋友幫你過目一下，睇下有無任何錯漏。錯別字係大忌，會令人覺得你做事粗心大意，更懷疑你嘅學歷水平。
本文章由 Moovup 提供
關於 Moovup 好工速遞
Moovup 好工速遞是一個專為尋找前線空缺而設的求職平台，以僱用模式及工作偏好設定，為求職者及僱主提供有效的配對。
網址：moovup.com