疫情影響，呢排大家都少咗出街，喺屋企隔離。既然多咗空餘時間，不妨檢視下自己嘅生活習慣，學下成功人仕嘅習慣，邁向成功人生。
你有問題想向 Moovup 發問？
早起及做運動其實除咗對身體好之外，另外一個好處就係意志力嘅鍛煉。人一生最大嘅敵人就係自己。我地可以有千萬個理由及藉口放棄實行自己定立嘅目標。但係當你嘅意志力強壯到可以戰性身體嘅懶惰，你做任何事情都會更加容易成功。
太過空乏嘅目標通常都無法達成。例如我想發達、我想做老世、我想提早退休。設立明確目標先至係成功嘅關鍵。設立明確目標有四大原則：
1. 明確具體、可量化
2. 面對現實、有可能達成
3. 有時效性
4. 有明確的執行計畫
我地可以將提早退休呢個目標變成五十歲前儲三百萬，然後再計算及列出清單每個月要蓄幾多錢，生活上要作出乜野改變及行動先可以完成呢個目標，咁樣你嘅目標就會更容易達成。
例如坊間嘅 365 日儲錢法，只要每日儲多 1 元，一年就可以儲到超過 6 萬蚊。所有目標都係同一個道理，只要每日累積努力，比前一日我進步少少，好好利用複利效應，成功就不遠。
我地每日起碼花三分二嘅時間工作及休息，其實每日只有幾個鐘空餘時間。世界每一日都喺度變，我地需要不斷學習，增強自己嘅市場價值。否則好容易會被其他人取代及淘汰。將時間投資喺閱讀、做運動、進修絕對係百利而無一害。
喺職場上識人好過識字，建立人際關係非常重要。唔好睇少舊同事嘅威力，當你想轉工嘅時候，佢地可以為你帶嚟意想不到嘅驚喜或者災難。世界其實好細，喺同行遇到舊同事嘅機會都好大。佢地可以介紹筍工畀你，亦都可以因為佢對你嘅負評價，影響潛在僱主對你嘅印象，而失去轉工機會。所以除咗老細及上司，跟同事打好關係及建立良好口碑都非常重要。
本文章由 Moovup 提供
原文連結：【自我管理】5個成功人士的習慣2021
關於 Moovup 好工速遞
Moovup 好工速遞是一個專為尋找前線空缺而設的求職平台，以僱用模式及工作偏好設定，為求職者及僱主提供有效的配對。
網址：moovup.com
你對這個題目有疑問？立即問問專家：
